قبل ما ادخل فى الموضوع
عاوز اعرفكوا حاجه
انا واحد من الناس - ده مش الفيلم - اللي بيحبو يعملوا اى حاجه من غير ما حد يعرف عنهم اى حاجه
عشان اعملها بضمير حبتين
وكمان عشان يمكن اقول حاجه تزعل حد
فيزعل منى على النت احسن ما يزعل مني بره
بس انا - ان شاء الله - بعد فتره هعرفكوا انا مين
بس انتو مش هتصدقوا
:(
ندخل بقى فى الموضوع
انا قبل ما اعمل المدونة دي
كنت بتابع مدونات كتيرة جدا
وبقرأ - مش بقرة - مواضيعهم كويس اوى
بس مكنتش بفضى اكتب تعليق
المهم عشان مطولش عليكو
حبيت اكتب اول موضوع ليا عن بعض المدونات اللي كنت بتابعهم
................................
مدونة اروى الطويل
مدونه رائعه جميله جذابة
مواضيعها حيويه متجدده
مدونه لفتاه صحفية نشيطة بتحب مهنتها - المستقبليه - طبعا
فتاه بتقرأ كثيرا و بتبحث كثيرا
فتاه لديها من الحماسه ما يكفي لعشره فتيات مثلها
تدور احداث مدونتها - غالبا - عن ما يحدث فى مصر وله علاقه بالجماعه المنتمية إليها ( الاخوان المسلمون )ز
يعني نقدر نقول مدونه سياسية بس مش بحته
حماستها بتأخذها - احيانا - الى عدم الدقه فى الرأي او التسرع فى الحكم او الاستعجال فى النتيجة
هذا لايمنع ان لها من الاراء والافكار الكثيره التى تدل على عقليه مميزه متحضرة
يُصيبها - احيانا - الضيق والملل من رأى مخالف لها
مما يجعلها - احيانا - تقرر التوقف عن التدوين لفتره معينه
اتوقع - مش انا بس - لها بمستقبل باهر فى الصحافة
.........................
مدونه العسكرى عتريس
شاب متعلق بوطنه ساقم من نظامه
لدية الرغبة فى الاصلاح لدية اليقين - الاكيد- بانه يستطيع ذلك
موضوعاته - احيانا - تأخد مسار اخر هو لايقصده
ربما يكون نتيجة انه لا ينظر فى كل الجوانب
او ربما يعتمد على مصدر او اثنين فقط
يتابع الابار اول باول من المواقع او من التلفاز او من الجرائد اليوميه
عندما يوقفه خبر يُسرع فى كتابته ولكن داخل عقله
ثم يتطباطأ فى كتابته لنا فى المدونه لانه - احيانا - يغلب عليه الكسل
ينقص موضوعاته بعض التنسيق واختيار الالوان بس وحجم الخط ايضا
مدونته رائعه لشاب مثقف سياسي انا شخصيا استمتع بمدونته
اتمنى له دوام التوفيق
.........................
هكمل الباقي المره اللي جاية ان شاء الله
................
قبل ما اقفل الموضوع
عاوز اعلق على مدونه اكتشفتها حديثا
وسعدت جدا باكتشافها
مدونه د/ اميمة
اسم المدونه رائع
صلاح واصلاح
موضوعاتها تاخد مسار خير الكلاام ما قل ودل
مما يجعل القارء مستمتع بعيدا عن الملل والزهق
إلتفاف القارئات حولها
جعلني اشعر انا ليست ام لـ3 اولاد فقط
بل انها ام للمجموعه من الفتيات المحترمات
ولا انسى - طبعا - عمرو السعدني الذي يساعدها احيانا
سلاملي الى عمرو
فك الله اسر استاذنا الفاضل
.........................
ملحوظه مهمه
الصوره اللي فوق مش صورتي ولكن صوره من جوجل
..................
نكمل مره اخرى
ولنا مواضيع - تجسسيه - غايه فى الاهمية
تابعونا
اعتذر عن غيابي عن المدونه
